Vurdering

Suppe med kjøtdeig og grønsaker

Enkel og smakfull suppe med kjøtdeig og vårgrønsaker. Du kan nytte dei grønsakene du har tilgjengeleg eller dei du likar best. Ver kreativ og prøv deg fram!

Du treng:

1 lauk
2 ss smør
1 ss sukker
400 g lammekjøtdeig
2 laurbærblad
4 blad salvie
1 kvast rosmarin
3 kvastar timian
2 gulrøter
100 g purre
100 g sukkererter
400 g poteter
1,2 liter kraft
flatbrød
smør
salt og pepar etter smak

Slik gjer du:

Finhakk lauken og steik han brun i ei gryte med smør og sukker. Legg laurbærblad, salvie, rosmarin og timian i gryta. Ha i kjøtdeigen og steik vidare i ca. 10 minutt.

Del gulrøtene, sukkerertene og potetene i bitar. Kutt purren i tynne ringar. Ha grønsakene oppi gryta. Hell over kraft. Smak til med salt og pepar, og lat det koke i 30 minutt.

Ha suppa i suppetallerken. Knus litt flatbrød over suppa, og legg ein smørklatt på toppen.