Plommekake med mørk sjokolade

Slik gjer du:

Finn fram ei kakeform på ca. 22 cm, og set steikeomnen på 180 grader.

Finmal hasselnøttene i ein blender. Ha egg, sukker, romtemperert smør, bakepulver, mjøl og dei finmalne hasselnøttene i ein bolle. Visp saman til ei glatt røre.

Del fire plommer og fjern steinen. Dei er til å ha på toppen av kaka. Del resten av plommene i bitar, fjern steinane og rør plommene inn i røra. Grovhakk sjokoladen og rør han inn i røra.

Ha røra i ei godt smurt kakeform og jamn overflata med ein slikkepott. Legg på dei halve plommene, strø over ein neve grovhakka hasselnøtter, og ha til slutt over flytande honning.

 Steik kaka midt i omnen i 50-60 minutt. 

«Herleg kake med plommer, sjokolade og hasselnøtter!»