Vurdering

Hønsesuppe med mjølbollar

Du treng:

Suppe:

1 heil høne eller kylling (ca. 1,3 kg)
1 ts salt per liter vatn
vatn til det dekker
1,5 liter kokekraft frå kyllingen
1 lauk
2 laurbærblad
1 nellikspikar
150 g gulrot
150 g sellerirot
100 g purre
salt og pepar etter smak

Mjølbollar:

2 dl vatn
100 g smør
100 g mjøl
2 egg
2 klyper kardemomme
1 ts sukker

Slik gjer du:

Del lauken i fire. Kok høna i vatn i 2,5 timar saman med laurbærblad, nellikspikar, salt og lauk. Kutt resten av grønsakene i 1 cm store terningar og legg til side.

Når høna har kokt ferdig, tek du ho opp av gryta og plukkar ho for kjøt. Sil krafta og ha 1,5 liter av krafta tilbake i gryta. Ha i grønsakterningane og kok i ca. 20 minutt.

Lag mjølbollane. Kok opp vatn og smør og ha det i ein bolle. Rør inn mjøl til deigen slepper bollen. Ha i eitt og eitt egg mens du rører godt til deigen samlar seg. Ha i salt og kardemomme.

Form runde mjølbollar ved å bruke to skeier. Dupp den eine skeia i den varme suppa og ha så litt deig på skeia. Slepp mjølbollen ned i suppa og bruk den andre skeia til å skyve han av skeia. Du kan eventuelt væte hendene og forme små mjølbollar med hendene og slepper ned i suppa.

Suppa må ikkje fosskoke, men ho må vere heilt på kokepunktet. Lat mjølbollane trekke i suppa i ca. 12 minutt.

Legg i kjøtet og smak til suppa med salt og pepar.