Vurdering

Riskrem med raud saus

Du treng:

1 ½ dl langkorna ris
3 dl vatn
2 dl fløyte
2 ss sukker

Raud saus:

400 g friske eller fryste bringebær
100 g sukker
1 dl vatn
1 ss potetmjøl
3 ss vatn

Slik gjer du:

Kok risen som det står på pakka. Skyl han i kaldt vatn etter at han er kokt, og lat han renne godt frå seg. Visp fløyten til krem og ha i sukker medan du piskar. Bland risen i kremen og set han kaldt.

Du kan òg lage riskrem med restar av risgraut, bruk då ca. 5 dl risgraut og bland han godt med kremen.

Lag raud saus. Kok opp bær, sukker og vatn og lat det koke i ca. 8 minutt. Hell bæra og sukkervatnet gjennom ein sil og oppi ein kjele. Press bæra gjennom silen slik at frøa ligg att. Kast frøa.

Bland potetmjøl i litt vatn og hell det i ein tynn stråle i sausen medan du rører. Gjev sausen eit oppkok.

Dersom du tykkjer sausen er for tynn, har du i meir potetmjøl som er blanda ut i vatn. Oppskrifta gjev ca. 3 dl saus.

Server riskremen med den raude sausen.