Vurdering

Blåbær- og sitronkake

Enkel, frisk og fantastisk god sommerkake med skogsblåbær og sitron.

Du treng:

150 g usalta smør
150 g sukker
1 ss sitronsaft
1 ss raspa sitronskal
3 egg
150 g mjøl
150 g blåbær
2 ts bakepulver
2 ss flytande honning
2 ss rømme

Glasur:

40 g melis
2 ss sitronsaft

Slik gjer du:

Pisk smør, sukker, sitronskal og sitronsaft til det vert kvitt. Rør inn eitt og eitt egg. Ha så i mjøl, bakepulver, honning og rømme og bland det saman.

Kle ei brødform på 24 cm med bakepapir. Smør inn bakepapiret med litt smør. Hell halve deigen i forma og ha på 100 g blåbær. Hell resten av deigen på toppen.

Varm omnen til 180 grader. Sett kaka inn i omnen og steik i 15 minutt. Ta ut kaka og fordel resten av blåbæra på toppen. Steik i 30 minutt til.

Ta sitronsaft og bland med 40 g melis, og ha dette over kaka som glasur.