Vurdering

Risotto med kreps

Risotto er en klassisk italiensk rett, som gjerne tilsettes sesongens råvarer. Basert på grunnoppskriften kan man tilsette det man ønsker av grønnsaker, kjøtt og sjømat. En god risotto skal være kremet og fyldig, og gi litt tyggemotstand.

Du treng:

1,5 l vatn
750 g kokte kreps (med skal)
½ lauk til kraft
2 ss olivenolje
1 lauk
2 fedd kvitlauk
2 ss olivenolje
200 g risottoris (arborio, carnaroli eller vialone)
2 dl kvitvin
12 asparges
15 cherrytomatar
80 g parmesan
80 g smør

Slik gjer du:

Lag kraft. Reinsk krepsen og legg krepsehalane på ein tallerken. Grovhakk ein halv lauk. Ha krepseskalet i ei steikepanne saman med litt olivenolje og lauken. Fres dette på sterk varme i 3 minutt. Ha over 1,5 liter vatn og la det koke i ca. 1 time. Sil krafta når ho har kokt ferdig.

Finhakk lauk og kvitlauk. Ha det i ei gryte og fres det i olivenolje i 1 minutt.

Ha i risen i gryta og rør godt. La det frese i 1 minutt og ha i kvitvin. La kvitvinen koke inn. Spe så med den varme krafta litt etter litt. Rør slik at risen kremar seg. Spe med ca. 7,5 dl kraft. Dersom det koker tørt, må du ha i meir kraft. Det tek ca. 17 minutt å koke risottoen. Hugs at risen skal gje litt tyggemotstand.

Medan risottoen koker, skal aspargesen kokast i ein annan kjele. Koketida er ca. 2 minutt.

Kutt dei kokte aspargesane i passelege bitar og del tomatane i to. Riv parmesan og del smøret i terningar. Når risen har kokt ferdig, rører du inn parmesan og smør. Ha til slutt i asparges, krepsehalar og tomatar i risottoen.

Server med litt riven parmesan og pepar på toppen.

«Ein herleg sumarrett!»

Populære oppskrifter

Gnocchi i form

Lefse

Hverdagsbrød

Kokt svineknoke med gul ertestuing og lauksaus